U me cori hè un pratu
Chì aspetta i sumenti
D’un amori spurgudatu
Cumu l’acqua di surghjenti
Un sintimu di benistà
È di calori umanu
Chì sempri fiurisciarà
À prim’ora di veranu
Un fiori prufumatu
Annacquatu da i pienti
In u pettu suminatu
Da grani di sentimenti
Quissa pianta culurita
Ficcata nentru u cori
Chi ti fà passà a vita
In presenza di l’amori
U PASTORI BUNIFAZINCU
1 commentaire:
issu fiore hè u più bellu, s'è tù li dai un sensu ancu più largu chè persunale "un omu una donna", chì hè impurtantissimu per ognunu ma un pocu "strettu" sì a so bellezza ùn aiuta à sbuccà nantu à l'amore di a vita stessa, a vera, quella chì dà impurtanza para à u fiore pratellinu ch'à u palazzu magnificu, à un omu senza nunda, u SDF, ch'à un principe: u cuntrariu di a nostra sucietà!!
Enregistrer un commentaire