vendredi 6 février 2009

HE PARTUTU U PUETA


U PUETA ÙN MORI ... U PUETA SI NE VÀ


Hè partutu u pueta,

Nantu à strada fatata

Marchjendu à l’ispinsata

Versu un altra pianeta,

Ch’ogni ghjornu si disceta

In rima impruvisata.


Hè partutu u pueta

A sfrisginà novi mondi,

Alusinghendu i spondi

Di una tarra sicreta,

Duva la so voci cheta

Canta in chjam’ é rispondi.


Hè partutu u pueta

Lasciendu i so turmenti,

Pà ritruvà la so ghjenti

Nant’à nivuli di seta,

Duv’avali si mireta

Di dorma eternamenti.


U PASTORI BUNIFAZINCU



"In mimoria di u pueta Martinu Versini"

2 commentaires:

Anonyme a dit…

À tè Pueta

Lacrime sò le mo rime
In la chjama in puesia
Da monte l'alte cime
La mo rima cusì sia
In la tola u tò piattu
Nun serà mai appiattu

GHJANPA

Unknown a dit…

Magnifica puesia cum'è sempre