" IN MIMORIA "

" Testu scrittu in mimoria d'un omu strappatu a quissa tarra "

Spunta l'alba cù frastornu
Nant'u chjassu scunsulatu,
Sulchighjendu u dintornu
Cù u ramentu stampatu,
D'issu maladettu ghjornu
A l'eternu stantaratu.

Eri omu d’eccizzioni
E di ghjusti sintimenti,
Qualchissia l’uccasioni
Pà tutti eri prisenti,
Spartendu li tò passioni
Cù amici é parenti.

D’ùn più veda lu tò visu
A noi tutti dispiaci,
Ma spunta u tò surrisu
Ogni ghjornu chi Diu faci,
Trà i raghji di paradisu
Duv'avà riposi in paci.

U PASTORI BUNIFAZINCU

" In mimoria di FRANCESCU CUCCHI "