" A VIA DI TEMPI FÀ "

( Ritrattu piddatu quì --> http://canonici.skyrock.com )

Sottu a casa maiori
Chì supranighja a stretta,
Duva un imperatori
Ci campò una stundetta,
U ziteddu d'un pastori
Porghji a sò misuretta.

U ritrattu sculuritu
Conta i sicreti piatti,
E ben chì ammutulitu
Palesa l'antichi fatti,
D'un omu impenseritu
Chì aspetta u sò latti

E quiss'incontru landanu
In u tempu stantaratu,
Ci pidda appalamanu
Ramintendu u passatu,
Di un mondu paisanu
Ch'ùn devi essa scurdatu.

Quì finisci u ramentu
Fattu incù tantu laziu,
E cù quissu versu quentu
In rima tutti ringraziu,
E vi dicu ch'ùn hè spentu
U cori di Bunifaziu.

U PASTORI BUNIFAZINCU