" CINQUI DI MAGHJU "

" Testu in mimoria di a strage di Furiani "

U TEMPU PASSA ... MA U RICORDU UN SI SGUASSA ... (05/05/1992)

A i cunfini di quissu locu
Induva u ricordu un mori,
Rivecu i scalini in focu
Bianchi é turchini di culori,
U ghjornu chi pà quissu ghjocu
U tarrenu s’è tintu di fiori.

Rivecu in celu a bandera
Purtata da millaia di mani,
Ch’incù a fedi la più sincera
Senza pinsà a u lindumani,
Si sò aduniti quidda sera
Annantu lu stadiu di furiani.

Rivecu tutti li passiunati
Sottu a luna é lu sò raghju,
E sentu li canti intunati
Incù onori eppò curaghju,
Ch’in l’eternità sò cascati
Issu maladettu ... cinqui di maghju

U PASTORI BUNIFAZINCU