Aghju spechjatu a me menti
In l’acqua di una surghjenti
Pà pudè cunnoscia a musa
Ch’in lu me cori hè rinchjusa
Trà u trimuleghju di l’onda
C’era issa donna vagabonda
Tali un riflessu luntanu
Mi faci segnu cù la manu
Hè a musa di u me essa
A magnifica principessa
Chì mi voli muscià a via
Di la più bedda puesia
A suvetu in l’oscurità
Di u chjassu di u puetà
Trà la fedi è u timori
Hè par mè u solu albori
L’accarezzu un mumentu
Cumu a pioghja trà lu ventu
Annacquendu tutti li versi
Ch’in u me capu si so persi
Presu d’un mumentu d’orgogliu
Pidd’una penna hè un fogliu
Pà annigrì li me penseri
Di furtuni è d’addisperi
Dipinghjendu issa criatura
Fatta di rima è cultura
Chi farà parti a l’eternu
Di a me vita u quadernu
U PASTORI BUNIFAZINCU
2 commentaires:
In fattu fine! Possu scrive e di tuttu cio chi ne pensu. Cume l'aghju dettu altro, di sicuru un saremu tantu a vede i to testi stampati o cantati chi so di qualità. Quessu sopra tuttu induve omu trova u tema di a musa e di una musa chi campa indè l'acqua chi tremuleghja. L'anziani pinsavanu chi e ninfe avianu u pudè di nutrisce e di fertilizà. A quellu chi tastava a so acqua li venianu belli pinsamenti e a brama di fà belle cose. A prova! Chi questa "naïade" sia a to cumpagna mentre a to vita sana e ch'ella mantenghi u to gustu per a puesia per u to piacè e u nostru!
ghjanpa a dit..ghjanpa a
dit... da li mo 60 anni di core ti sulutu da lu mo paese di RUTALI.
GHJANPA
Enregistrer un commentaire