Chi quissu semplici versu
Tramandessi a to gloria
È chì in tuttu l’universu
Firmassi a mimoria
Di a to voci cusì chjara
Chì purtava a sperenza
Di quidda santa fiara
Chì si chjama Indipendenza
Militanti accanitu
Di a lotta naziunali
Sempri ai impeditu
L’invasioni culuniali
Purtavi quissu missaghju
Di gioia è fraternità
È incù u to curaghju
Cumbattevi a falsità
Eri un veru punteddu
D’issa nova cultura
Chì tali à un aceddu
Vulava versu l’altura
Di i to paroddi schietti
Si n'hè fattu un tisoru
E sempr’in la nostra menti
Luccicarani com'è l’oru
Versu un novu orizonti
Avà ti ni sè andatu
Incù u cori in fronti
È l’onori di un suldatu
Ma sappia chì a to mimoria
Mai ùn sparisciarà
Chì infiammarà a storia
In nomi di a libartà.
U PASTORI BUNIFAZINCU
1 commentaire:
Saluta, o Monsieur Terrazzoni, è à ringrazià vi pà u vosciu passu in u filu di u custruì issa lingua. Par disgrazia, sò pochi è micca i scrittori ma supr'à tuttu i parlanti in a noscia lingua. Par furtuna, sò unipochi è un pocu di più à circà à mantena la. Ni seti vo' unu di quissi, è hè una prova tamanta à iss'oghjighjornu. À prestu o Amicu. Ceccè LANFRANCHI di NOVI
Enregistrer un commentaire